С.Зоригийн хөшөө
Түүх, соёлын үл хөдлөх дурсгалын товч мэдээлэл
| Дурсгалын нэр: | С.Зоригийн хөшөө |
|---|---|
| Хаяг байршил: | Сүхбаатар дүүрэг, 1 дүгээр хороо, Энхтайвны өргөн чөлөө, Чингис өргөн чөлөөний уулзварын баруун урд хэсэгт, Нийслэлийн ардчилсан намын байрны хойд талд |
| Солбицол: | N47 54 59.6, E106 54 56.9 |
| Дурсгалын төрөл: | Хөшөө |
| Түүхэн үе: | Монгол Улсын нийслэл Улаанбаатар хотын үе (1990 оноос хойш) |
| Баригдсан он: | 1999 |
| Зураг төсөл зохиогч: | Б.Дэнзэн |
| Хийсэн арга, техник: | Хүрэл цутгамал |
| Тоо ширхэг ба бүрдэл хэсэг: | 1 |
| Хэмжээ: | Өргөн: 0,76 м, Өндөр: 3,08 м |
| Материал: | Хүрэл |
| Хамгаалалтийн зэрэглэл: | Дүүргийн хамгаалалтад |
| Хамгаалалтад авсан он, шийдвэр: | Нийслэлийн Засаг даргын 2008 оны 357 дугаар захирамж |
| Өмчлөлийн хэлбэр: | Нийслэлийн өмчид |
Улс төрийн зүтгэлтэн, 1990 оны ардчилсан хувьсгалын удирдагчдын нэг С.Зоригийн дурсгалд зориулж 1999 онд Б.Дэнзэнгийн эх загвараар хүрлээр цутгаж хийжээ. С.Зориг нь УИХ-ын гишүүн, Засгийн газрын гишүүн, Дэд бүтцийн хөгжлийн сайдаар ажиллаж байгаад 1998 оны аравдугаар сарын 02-нд харамсалтайгаар амь үрэгдсэн.
Сүхбаатар дүүргийн 1 дүгээр хорооны нутаг дэвсгэр дэх тус хөшөөг нийслэлийн Засаг даргын 2008 оны 357 дугаар захирамжаар Сүхбаатар дүүргийн хамгаалалтад авсан.
Ашигласан ном зохиол:
Жон Ён Дун., Улаанбаатар хотын түүх, соёлын дурсгалт хөшөө баримал, УБ., 2004
Цэрэнчулуун А., Улаанбаатар хотын тойрон аялал, УБ., 2017
