Түүх, соёлын үл хөдлөх дурсгалын товч мэдээлэл

Дурсгалын нэр:	Ю.Цэдэнбалын хөшөө
Хаяг байршил:	Сүхбаатар дүүрэг, 1 дүгээр хороо, Сөүлийн гудамж, Чингисийн өргөн чөлөөний уулзварын баруун урд тал, Улсын драмын эрдмийн театрын өмнөх Ю.Цэдэнбалын талбайн дунд
Солбицол:	N47 54 55.2, E106 54 54.9
Дурсгалын төрөл:	Хөшөө
Түүхэн үе:	Монгол Улсын нийслэл Улаанбаатар хотын үе (1990 оноос хойш)
Баригдсан он:	2000
Зохиогч:	Ц.Амгалан
Хийц загвар:	Реалист
Хийсэн арга, техник:	Хүрэл цутгамал
Тоо ширхэг:	1
Хэмжээ:	Урт: 2,1 м, Өргөн: 1,98 м, Өндөр: 4,75 м
Материал:	Хүрэл
Хамгаалалтийн зэрэглэл:	Дүүргийн хамгаалалтад
Хамгаалалтад авсан он, шийдвэр:	Нийслэлийн Засаг даргын 2008 оны 357 дугаар захирамж
Өмчлөлийн хэлбэр:	Нийслэлийн өмчид

Монголын төрийг 44 жил удирдсан, Монголын төр, нийгмийн зүтгэлтэн Юмжаагийн Цэдэнбал (1916-1991)-д зориулсан хүрэл хөшөөг 2000 онд Ц.Амгалангийн эх загвараар Улсын драмын эрдмийн театрын өмнө босгож талбайг түүний нэрэмжит болгожээ. 2006, 2013 онд орчныг засварлан тохижуулсан.

Сүхбаатар дүүргийн 1 дүгээр хорооны нутаг дэвсгэр дэх тус хөшөөг нийслэлийн Засаг даргын 2008 оны 357 дугаар захирамжаар Сүхбаатар дүүргийн хамгаалалтад авсан.

Ашигласан ном зохиол:

Ганхуяг О., Монгол Улсын нийслэл Улаанбаатар хотын түүх, соёлын дурсгал, УБ., 2010

Цэрэнчулуун А., Улаанбаатар хотын тойрон аялал, УБ., 2017